ಕಿನ್ನಿಗೋಳಿ ಡೊಟ್ ಕೊಮ್ ಉಪ್ಕಾರ್ ಆಟಯ್ತಾ...
Last Updated on Friday, 01 January 2010 09:13 Written by ಕಿನ್ನಿಗೋಳಿ ಡೊಟ್ ಕೊಮ್ Sunday, 20 December 2009 00:00
ಪಯ್ಲ್ಯಾನ್ ಪಯ್ಲೆಂ ಮಾಗ್ತಾಂ ಸರ್ವ್ ಆಮ್ಚ್ಯಾ ವಾಚ್ಪ್ಯಾಂಕ್ ತಶೆಂ ಅಭಿಮಾನಿಂಕ್ ಏಕ್ ಭಾಗಿ ನತಲಾಂಚೆಂ ಫೆಸ್ತ್ ಆನಿಂ ಸಂತೊಸ್ಭರಿತ್ ಸಮ್ರದ್ಧೆನ್ ಭರ್ಲೆಲೆಂ ನವೆಂ ವರಸ್.
ಹೊ ಕ್ರಿಸ್ಮಸ್ ಕುಸ್ವಾರ್ ಅಂಕೊ ತುಮ್ಚ್ಯಾ ಮುಕಾರ್ ಆಸಾ. ತುಮ್ಕಾಂ ತೊ ರುಚ್ತಲೊ ಮ್ಹಳ್ಳಿ ಆಮ್ಚಿ ಪಾತ್ಯೆಣಿ. ಹೊ ಅಂಕೊ ತಯಾರ್ ಕರುನ್ ಸುಮಾರ್ 2 ಮಹಿನೆ ಥಾವ್ನ್ ಖಳ್ಮಿತ್ ನಾಸ್ತಾಂ ವಾವ್ರುನ್ ಆಸಾ ಆಮ್ಚೊ ಮೊಗಾಳ್ ಮಿತ್ರ್ ಪ್ರೀತಮ್, ಕಿರೆಂ (ಎಡ್ಮಂಡ್ ನೊರೊನ್ಹಾ). ತಾಚ್ಯಾ ಮ್ಹಿನತೆಚೊ ಫಳ್ ಜಾವ್ನ್ ಆಜ್ ಹೊ ಅಂಕೊ ತುಮ್ಚೆ ಮುಕಾರ್ ಆಸಾ. ತಾಚ್ಯಾ ವಾವ್ರಾಕ್ ಆಮಿ ತಾಕಾ ಸದಾಂಚ್ ಆಭಾರಿ ಜಾವ್ನಾಸಾಂವ್. ದೇವ್ ತಾಚೆರ್ ಆನಿಂ ತಾಚ್ಯಾ ಕುಟ್ಮಾಚೆರ್ ಧಾರಾಳ್ ಆಶಿರ್ವಾದಾಂ ಘಾಲುಂದಿ ಆನಿಂ ಬರೊ ಫುಡಾರ್ಯಿ ತಾಕಾ ಫಾವೊ ಕರುಂದಿ.
ತಶೆಂಚ್ ಆಮಿಂ ರುಣಿ ಜಾವ್ನಾಸಾಂವ್ ಹ್ಯಾ ವಿಶೇಸ್ ಅಂಕ್ಯಾಕ್ ಲೆಖನಾಂ, ಕವಿತಾ , ಜಾಹೀರಾತಾಂ ಇತ್ಯಾದಿ ದೀವ್ನ್ ಆಮ್ಕಾಂ ಸಹಕಾರ್ ದಿಲ್ಲ್ಯಾ ಸರ್ವಾಂಚೊ. ತುಮ್ಚೊ ಸಹಕಾರ್ ಪಳೆವ್ನ್ ಆನಿಕೀ ಮ್ಹಸ್ತು ಬರೆಂಪಣ್ ಕರುಂಕ್ ಆಮ್ಕಾಂ ಹುರುಪ್ ಭಗ್ತಾ. ಮುಕಾರಿ ತುಮ್ಚೊ ಸಹಕಾರ್ ಆಮ್ಕಾಂ ಲಾಬ್ತೊಲೊ ಮ್ಹುಳ್ಳಿ ಆಮ್ಚಿ ಪಾತ್ಯೆಣಿ.
ತಶೆಂಚ್ ದೇವ್ ಬರೆಂ ಕರುಂ ಆಮ್ಚ್ಯಾ ಮೊಗಾಳ್ "ವೆಬ್ಮಾಸ್ಟರ್" ಶ್ರೀಮಾನ್ ರೋಶನ್ ತಾವ್ರೊ, ಜರ್ಮನಿ ಹಾಚೊ. ಆಮ್ಚಿ ಹಿ ವೆಬ್ ಸಾಯ್ಟ್ ಇತ್ಲ್ಯಾ ಬೊರ್ಯಾ ಥರಾನ್ ಚಲಜೆ ತರ್ ತಾಚೊ ವಾವ್ರ್ ಪಡ್ದ್ಯಾ ಪಾಟ್ಲ್ಯಾನ್ ತರಿ ಬೋವ್ ಪ್ರಮುಖ್ ಜಾವ್ನಾಸಾ. ಇತ್ಲ್ಯಾ ಬರ್ಯಾ ಥರಾನ್ ಹಿ ರಿಡಿಸಾಯ್ನ್ ಕೆಲ್ಯಾ ತಾಣೆಂ -ತುಮ್ಕಾಂ ತಿ ರುಚ್ತಲಿ ಮ್ಹುಣ್ ಆಮ್ಚಿ ಪಾತ್ಯೆಣಿ. ಕಿನ್ನಿಗೋಳಿ ಡೊಟ್ ಕೊಮಾಚೆರ್ ಕಸಲೆ "ಪ್ರೊಬ್ಲೆಮ್" ಆಸ್ಲ್ಯಾರಿ ಏಕ್ ಇಮೆಯ್ಲ್ ಯಾ ಎಸ್.ಎಮ್.ಎಸ್. ಪಾವ್ತಾ ಜರ್ಮನಿ ಥಾವ್ನ್ ಆಮ್ಚ್ಯಾ ಪ್ರೊಬ್ಲೆಮಾಕ್ ಸೊಲ್ಯೂಷನ್ ದೀಂವ್ಕ್. ತಾಕಾ ಆಮಿಂ ಸದಾಂಚ್ ರುಣಿ ಆಸ್ತೆಲ್ಯಾಂವ್. ಬಾಳೊಕ್ ಜೆಜುಚಿಂ ವಿಂಚ್ಣಾರ್ ಆಶೀರ್ವಾದಾಂ ತಾಚೆರ್ ಆನಿಂ ತಾಚ್ಯಾ ಮೊಗಾಚ್ಯಾಂಚೆರ್ ಸದಾಂಚ್ ಮಾಗ್ತಾಂವ್.
ತಶೆಂಚ್ ಆಮ್ಚೆ ಕಿನ್ನಿಗೋಳಿ ಡೊಟ್ ಕೊಮಾಚೆ ಸಾಂದೆ ಪಡ್ದ್ಯಾ ಪಾಟ್ಲ್ಯಾನ್ ದೀಸ್ ರಾತ್ ವವ್ರುನ್ ಆಸಾತ್. ತಾಂಕಾಯಿ ಕೊಣಾಯ್ಚೆಂ ನಾಂವ್ ಕಾಡಿನಾಸ್ತಾಂ ಸರ್ವಾಂಕ್ ದೇವ್ ಬರೆಂ ಕರುಂ ಮ್ಹುಣ್ತಾಂವ್ ಆನಿಂ ಬಾಳೊಕ್ ಜೆಜುಚಿಂ ವಿಂಚ್ಣಾರ್ ಆಶೀರ್ವಾದಾಂ ಮಾಗ್ತಾಂವ್.
Comments
thank u
wish you all every success in your good work.May Infant Jesus bless you all.Wishing you all a merry Christmas and properous New year 2010.Ullas pataithavum thumka kinnigoli chya sandasyano,sont hosborith anik ullasacho Nathalanchem Festh sangathass yek borem,samadhane chem anik samraddichem Vovem Voras 2010 magthavum.
sonthosa sanghi,
Simon Lasrado & family
Bengaluru thavn
hemacharya, editor in chief, Daijiworld Weekly